Истанбулда тоза сув захираси тугаяпти
Фуқаролардан имкон қадар сувни тежаш сўралмоқда.
Туркиянинг энг йирик шаҳарларидан бири Истанбул аҳолиси тоза сувсиз қолиши мумкин. Мамлакатда иссиқлик туфайли сув ҳавзалари саёз бўлиб қолди. Фуқаролардан имкон қадар сувни тежаш сўралади.
Яқинда янги ҳарорат рекорди қайд этилди. Термометрлар 49,5 даражани кўрсатган.
Истанбулни таъминлайдиган ўнта сув омборининг барчаси деярли саёз. Ўтган йилнинг август ойида улар 62 фоизга тўлдирилган бўлса, ҳозир улар учдан бирига ҳам етмаган.
“Агар бу узоқ давом этса, Истанбул жиддий муаммоларга дуч келади. Расмийлар нимадир қилишлари керак. Қурғоқчилик аллақачон эшик қоқмоқда. Шаҳар кунига ўртача 3,5 миллион куб метр сув истеъмол қилади. Ва омборлардаги сув 300 миллиондан кам қолди, яъни тахминан 90 кунга етади. Аммо бундай иссиқда сув тез буғланишини ҳисобга олсак, бундан ҳам камроқ вақт бор", - дейди эколог Мерик Албай.
Расмийлар аҳолидан уни тежашни талаб қилмоқда, бу - фалокатдан қочиш ва қандайдир тарзда ёмғирли мавсумга етиб боришнинг ягона йўли.
