Янгилик ва ўзгаришларга бой ўтган БРИКС саммити
Тадбир якунлари ва натижалари.
БРИКСга аъзо давлатлар раҳбарлари саммитнинг сўнгги кунида халқаро савдода миллий валюталардан фойдаланиш тарафдори бўлди. Владимир Путин видеоалоқа орқали миллий валюталарда тўловлар мавзусини яна бир бор кўтарди ва янги мамлакатларни қутлади.
Владимир Путин БРИКС давлатлари ҳалол, тенг ҳуқуқли ва ўзаро ҳурмат асосида мулоқотга тайёр эканини таъкидлади. Режаларга бошқа давлатлар, шунингдек, минтақавий интеграция тузилмалари билан ҳамкорликни кенгайтириш киради. Улар орасида МДҲ, ШҲТ, Форс кўрфази араб давлатлари ҳамкорлик кенгаши бор. Россия Африка қитъаси билан алоқаларни янада мустаҳкамлаш ниятида.
Келгуси йилда ассоциация таркиби расман олти давлатга кўпайса, БРИКСга раислик Россияга ўтади.
“Биз янги аъзоларни қутлаймиз ва келажакда янги давлатлар қўшилиши мумкин бўлган мезонларни қабул қилдик. Шунингдек, биз миллий валюталардан фойдаланишга қарор қилдик, бу эса бозордаги ўзгарувчанликка боғлиқлигимизни камайтириши мумкин”, — деди Бразилия президенти Лула да Силва.
