Британия мудофаа вазири Бен Уоллес истеъфога чиқди
Унинг ўрнини мамлакат Энергетика вазири Грант Шеппс эгаллади.
Британия мудофаа вазири Бен Уоллес лавозимидан озод этишини сўраб мамлакат бош вазири Риши Сунакка ариза билан мурожаат қилган. Бош вазир эса Бен Уоллеснинг истеъфосини қабул қилган.
Уоллес мамлакат мудофаасини тўрт йил давомида бошқаргани ва соҳада ижобий ўзгаришлар бўлганини қайд этган.
Буюк Британия энергетика вазири Грант Шеппс эса мудофаа вазирлигининг янги раҳбари этиб тайинланди.
У 2022 йилги сайловларда бош вазирликка номзодини қўйган.
ОАВ маълумотига кўра, у ўтган ҳафтада Киевга келган ва Украина Мустақиллик куни байрамида меҳмон бўлган.
