Жаҳон банки Украинaга 232 млн доллар ажратди
Маблағ уй-жойларни таъмирлашга мўлжалланган.
Жаҳон банки Украинага Россия ҳужумларидан зарар кўрган уйларни зудлик билан таъмирлаш учун 232 миллион доллар ёрдам ажратди. Бундан ташқари, 100 мингдан ортиқ украиналик оилаларга товон пули берилади.
Лойиҳа мулкдорларга цинган ойналарни алмаштириш ёки шикастланган томни тузатиш каби кичик таъмирлаш ишларини амалга ошириш имконини беради. Шунингдек, ўртача даражада шикастланган ва капитал таъмирлашга муҳтож бўлмаган кўп қаватли уйлар эгаларига таъмирлаш маблағлари ажратилади.
Жаҳон банки ҳисоб-китобларига кўра, Украинанинг уй-жой сектори ҳужумлар натижасида тўғридан-тўғри 50 миллиард доллардан ортиқ зарар кўрган. Булар бешта ҳудуддаги 98 мингга яқин якка тартибдаги уй-жой ва 160 та кўп хонадонли уйдаги 8 мингта тураржойдир.
Кейинчалик Жаҳон банки ва ҳамкорлар томонидан кредит кафолатлари, грантлар ва бошқа ҳиссалар кўринишида 800 миллион долларгача қўшимча маблағ ажратилиши кутилмоқда.
