Қирғизистон Президенти қатнашган кўпкарида жанжал чиқди
Ҳозирда ҳолат бўйича суриштирув бошланган.
Ижтимоий тармоқларда Қирғизистонда кўпкари финалидан сўнг оммавий тартибсизлик юзага келгани акс этган видеолар тарқалди.
Маълум бўлишича, оммавий тартибсизликлар кўпкари бўйича Қирғизистон президенти кубоги финалидан сўнг юзага келган. Асосий баҳсда «Дўстук» ва «Интимак» жамоалари қатнашган. 2:1 ҳисобида ғалаба қозонилган. Айрим иштирокчилар ҳакамнинг қароридан норози бўлган.
Майдондаги ўйин тугагандан сўнг одамлар трибунадан югура бошлаган ва улардан баъзилари майдонга қарата тош отган ҳам. Кўпкари бўйича Президент кубоги баҳсини Садир Жапаровнинг ўзи ҳам трибунадан кузатиб ўтирган бўлган.
Миллий хавфсизлик раҳбари Қамчибек Ташиев айбдорлар жазоланишини маълум қилган. Ўш вилояти ички ишлар бошқармаси суриштирув ишларини олиб бормоқда.
