Польшада “легионерлар касаллиги” авж олмоқда
Ҳозирча ушбу касалликка қарши вакцина йўқ.
Полшада “легионерлар касаллиги” деб аталадиган хасталикка чалинганлар сони 158 нафарга етди. Касалликдан жами 18 киши вафот этган: 55 ёшдан 98 ёшгача бўлган тўққиз аёл ва тўққиз нафар эркак.
Санитария назорати маълумотларига кўра, унинг манбайи сув тармоғида бўлган.
Легионеллёз ёки “легионерлар касаллиги” — кучли иситма, умумий интоксикация, ўпка, марказий асаб тизими ва овқат ҳазм қилиш органларининг шикастланиши билан кечадиган ўткир юқумли касаллик. "Легионерлар касаллиги" номи 1976 йилда Филаделфияда Америка легиони конвенцияси иштирокчилари орасида оғир респиратор касалликларнинг авж олишидан келиб чиққан. Ҳозирги вақтда легионеллёзга қарши эмлаш мавжуд эмас. Бироқ эрта ташхис қўйиш ва тўғри антибиотик даволаш касалликнинг асоратларни камайтириши мумкин.
