Туркияга метеорит қулади
Ҳодисани 4 та вилоят аҳолиси кузатган.
Туркиянинг жануби-шарқидаги бир қанча вилоятлар аҳолиси метеорит қулаганига гувоҳ бўлди. Тахминларга кўра, осмон жисми Шанлиурфа вилоятига тушган.
Метеорит йўл бўйлаб ўтаётган автомобилларнинг видеорегистраторлари томонидан тасвирга олинган, унинг ёнаётган парчалари осмонни ёритиб юборди. Ушбу ҳодисани Малатя, Эрзурум, Элазиг, Газиантеп вилоятлари аҳолиси кузатган.
2023 йилнинг апрель ойида Иркутск вилоятининг Уст-Кутский туманига метеорит қулагани хабар қилинган эди. Ҳодиса кўплаб кузатув камералари томонидан қайд этилган. Июль ойида метеорит Франциянинг Чирмек коммунасида яшовчи фуқаронинг уйи томини ёриб ўтиб, унинг нонуштасини бузган.
