Эрдоған Путинни Туркияга таклиф қилди
Ҳамкасблар бугун Сочида учрашган.
Туркия президенти Ражаб Тоййиб Эрдоғон Россия етакчиси Владимир Путинни Туркияга таклиф қилди.
Туркия раҳбари Сочидаги музокаралардан сўнг Россия президенти билан хайрлашар экан, “Сизни имкон қадар тезроқ ўз жойимда кутаман”, деди.
Россия ҳамда Туркия президентлари Владимир Путин ва Ражаб Тоййиб Эрдоған душанба куни Сочида учрашди. Бу уларнинг деярли бир йиллик танаффусдан кейинги биринчи учрашувидир. Президентлар Қора денгиздаги дон битими атрофидаги вазият ва бошқа масалаларни муҳокама қилдилар.
Музокаралар натижасида президент Путин Россия бир неча ҳафта ичида Африканинг олти давлатига текин дон етказиб беришни бошлашини маълум қилди. Ўз навбатида, Эрдоған Россия билан Африка мамлакатларига озиқ-овқат етказиб бериш бўйича қадамларни биргаликда амалга оширишга умид қилишини айтди.
