Германия канцлери қароқчи образидаги фотосини эълон қилди
Олаф Шольц сурат остига қизиқарли твит ҳам ёзиб қолдирди.
Германия канцлери Олаф Шольц ўтган дам олиш кунлари югуриш пайтида юз берган жароҳатларни яшириш учун кўзига қора патч қўйди. Бу ҳақда у Х ижтимоий тармоғида (собиқ Тwitter) маълум қилди, деб хабар берди Deutsche Welle нашри.
«Мэмларни кутмоқдаман. Яхши тилаклар учун раҳмат. Бундан баттари бўлмайди», — дейилади твитда.
Сурат эълон қилинганидан сўнг кўп ўтмай минглаб «лайк» ва шарҳлар тўплади. Изоҳлар орасида қароқчилар шляпа кийган, қилич кўтарган Шольцнинг мэмлари ҳам бор эди. Бошқалар эса Германия канцлерига тезроқ соғайиб кетишини тилади.
Федерал ҳукумат матбуот котиби Штеффен Хебештрайтнинг сўзларига кўра, сурат «ҳамма президентнинг келаси бир-икки ҳафта ичида қандай кўринишга эга бўлишига кўникиши учун» чоп этилган.
Шольц якшанба кунги учрашувлари ва чиқишларини бекор қилишга мажбур бўлган, аммо бу унинг бошқа кунлардаги режаларига таъсир қилмади.
