Ҳиндистоннинг номи ўзгариши мумкин
Бош вазир Моди анъанавий номга қайтиш тарафдори.
Бош вазир Нарендра Моди ҳукумати Ҳиндистон парламентига мамлакат номини анъанавий Бҳаратга ўзгартириш бўйича резолюция тақдим этишни режалаштирмоқда.
Маҳаллий ОАВнинг ёзишича, овоз бериш парламентнинг 18-22 сентябрь кунларига белгиланган навбатдан ташқари сессияси вақтида ўтказилиши мумкин. Ҳукмрон партиянинг кўплаб аъзолари Ҳиндистон номини ўзгартириш бўйича ушбу ташаббусни қўллаб-қувватламоқда.
«Ҳиндистон» сўзи Индус (ёки Синдҳу) дарёси шарафига номланган «Индус» сўзидан келиб чиққан. Қадимги ҳинд матнида Вишну Пурана, Бҳарат номи океан шимолида ва қорли тоғларнинг жанубида жойлашган қуруқ ер деб аталади. Конституцияга кўра, Бҳарат мамлакатнинг расмий санскрит номидир.
Ҳозиргача Бҳарат ва Ҳиндистон номлари кўпинча бир-бирининг ўрнида ишлатилган, Бҳарат «Ҳиндистон» сўзининг маҳаллий таржимаси сифатида талқин қилинган.
