АҚШда «Proud Boys»нинг собиқ лидери 22 йилга қамалди
Аввалроқ суд «Proud Boys»нинг яна икки аъзоси — Жозеф Биггсга 17 йил, Итан Нординга эса 18 йилга озодликдан маҳрум қилиш жазосини тайинлаган.
"Proud Boys"нинг собиқ етакчиси Энрике Таррио 2021 йил 6 январда Капитолийга бостириб киришда иштирок этгани учун 5 сентябрь куни Вашингтондаги суд томонидан 22 йиллик қамоқ жазосига ҳукм қилинди. У фитнада айбдор деб топилган. Таррионинг жазоси 2021 йил 6 январдаги тартибсизликлар орасида энг оғир жазо бўлди. Таррионинг адвокатлари апелляция шикояти беришди.
2021 йилнинг 6 январида собиқ президент Дональд Трамнинг минглаб тарафдорлари Конгресс биносига бостириб кирган пайтда Таррио Вашингтонда бўлмаган. Бироқ судья Энрикенинг фитнанинг асосий ташкилотчиси эканини таъкидлаган. Тергов унинг қўзғолон вақтида "Proud Boys" ҳаракатларини масофадан туриб назорат қилганини аниқлаган. Терговчиларнинг таъкидлашича, у америкалик ўнг қанот экстремистлари орасида алоҳида ўринга эга нуфузли шахс. Аввалроқ суд "Proud Boys"нинг яна икки аъзоси — Жозеф Биггсга 17 йил, Итан Нординга эса 18 йилга озодликдан маҳрум қилиш жазосини тайинлаган.
