ЖССТ COVID-19 бўйича глобал вазиятдан ташвишда
Кўплаб мамлакатларда касаллик яна тарқалмоқда.
Яқин Шарқ, Осиё ва Европада COVID-19 туфайли вафот этганлар ва касалхонага ётқизилганлар сонининг ортиб бораётгани вирус ҳали қайтмаганидан далолат беради, деди ЖССТ бош директори Тедрос Адҳаном Гебреесус брифингда.
Унинг айтишича, Яқин Шарқ ва Осиёнинг айрим қисмларида касалликдан ўлимлар кўпаймоқда, Европадаги касалхоналарда реанимация бўлимларига ётқизиш кўпаймоқда.
Маълумотларга кўра, ЖССТга аъзо мамлакатларнинг 25 фоиздан камроғи — 194 тадан 43 таси ўлим ҳақида хабар берган, 20 давлат касалхонага ётқизилишлар ҳақида маълумот берган.
Аввалроқ ЖССТ матбуотда «Eris» деб номланган COVID-19 EG.5 нинг янги варианти дунёда тобора кўпроқ тарқалаётганини, бироқ айни дамда у глобал саломатлик учун паст хавф туғдираётганини маълум қилганди.
