Беларусда ўрмонга саёҳат қилиш тақиқланди
Ҳудудга транспорт воситалари кириши ҳам мумкин эмас.
Беларуснинг барча 118 вилоятида фуқароларнинг ўрмонга боришига чекловлар жорий этилди. Бу ҳақда “Янги Ўзбекистон” нашри ёзмоқда.
Туман ижроия қўмиталари томонидан эълон қилинган ҳужжатларга кўра, ўрмон хўжалиги билан шуғулланувчи юридик шахслар ва тегишли органларнинг транспорт воситалари бундан мустасно, транспорт воситалари ўрмон ҳудудига кира олмайди. Шунингдек, у ерда ўрмон хўжалигига алоқадор бўлмаган ишларни амалга ошириш мумкин эмас.
Шу билан бирга, мамлакатнинг олти вилоятида ўрмонга боришни тўлиқ тақиқлаш жорий этилди — беларуслар ҳатто унинг ҳудудига кира олмайди. Расмийлар ўрмонларда ўртача ёнғин хавфи фонида чоралар кўришга қарор қилишди.
Аввалроқ Жаҳон метеорология ташкилоти (WМО) аномал иссиқлик ўрмон ёнғинларини кучайтираётганини маълум қилганди. Шу билан бирга, ёнғин тутуни инсон саломатлиги учун хавфлидир. WМО прогнозларига кўра, 2023 йилнинг ёзи рекорд даражадаги энг иссиқ ёзга айлангани сабабли дунёдаги иқлим ҳолати ва ҳаво шароити ёмонлашишда давом этмоқда.
