Германияда суюқ водородда ҳаракатланадиган самолёт яратилди
Унинг афзаллиги экологик тозалигидадир.
Германиялик авиаконструкторлар томонидан дунёдаги биринчи суюқ водород двигателли электр самолёт тақдим этилди.
Самолёт Словениядаги аэропортлардан бирига қўнди. Ишлаб чиқувчиларнинг фикрича, бундай кеманинг максимал парвоз масофаси 1500 километрни ташкил қилади. Самолётнинг афзаллиги унинг экологик тозалигидадир – суюқ водород зарарли чиқиндиларсиз парвоз қилиш имконини беради.
Қайд этиш жоизки, энг йирик самолёт ишлаб чиқарувчи Airbus компанияси 2035 йилгача бозорга водород билан ишлайдиган йўловчи самолётини олиб чиқишни режалаштирмоқда. Ҳозирги вақтда авиация учун асосий ёқилғи керосин бўлиб, у умуман экологик тоза эмас.
