PowerPoint бош дастурчиси 76 ёшида вафот этди
Дастур ҳозирда кунига 30 миллиондан ортиқ тақдимот яратиш учун ишлатилади.
PowerPoint дастурий таъминоти бошлиғи Деннис Остин 76 ёшида оламдан ўтди.
1987 йилда Fore Thought номли кичик ишлаб чиқувчи томонидан чиқарилган PowerPoint дастурий таъминоти кодоскопларнинг рақамли вориси бўлиб, слайдлар яратишнинг кўп меҳнат талаб қиладиган жараёнини компьютери бўлган ҳар бир киши қила оладиган вазифага айлантирди.
"Дастурий таъминот муҳандиси Остин PowerPoint дастуридан фойдаланишни осонлаштириш учун ишлаган," — деди Fore Thought раҳбари Роберт Гаскинс. У, шунингдек, Остин дизайн ғояларининг камида ярмини ўйлаб топганини ва дастурий таъминотнинг равон ишлаши учун тўлиқ жавобгар эканлигини таъкидлади.
Кейинчалик компания Мисрософт томонидан сотиб олинди ва Остин PowerPoint дастурини ишлаб чиқишда давом этди. У 1996 йилда нафақага чиққан.
Компаниянинг таъкидлашича, PowerPoint ҳозирда кунига 30 миллиондан ортиқ тақдимот яратиш учун ишлатилади.
