Марокашдаги зилзила қурбонлари сони 2800 кишидан ошди
Қурбонлар сони яна ортиши мумкин. Ҳозирда табиий офат ҳудудида қидирув-қутқарув ишлари давом этмоқда.
Марокашдаги зилзила оқибатида ҳалок бўлганлар сони 2 минг 862 кишига, жароҳатланганлар сони эса 2 минг 562 нафарга етди, деб хабар берди "Anadolu" агентлиги.
Марокаш Ички ишлар вазирлиги 8 сентябрда содир бўлган зилзила ҳақида янги маълумот эълон қилди.
Вазирлик баёнотида, эпицентри Марракешнинг Эль-Хуз туманида бўлган 7 магнитудали зилзила қурбонлари сони 2862 нафарга, яраланганлар сони эса 2562 нафарга етгани айтилган.
Марокаш матбуоти 8 сентябрда маҳаллий вақт билан соат 23:10 да содир бўлган зилзила пойтахт Рабат, Касабланка, Мекнес, Агадир ва Фесда сезилганини хабар қилди.
Қурбонларнинг асосий қисми Аль-Хауз, Тарудант, Шивава, Варзазат, Марракеш, Азила, Агадир, Касабланка ва Юсифий вилоятларида қайд этилган.
Табиий офат ҳудудида қидирув-қутқарув ишлари давом этмоқда. Уларга фуқаро мудофааси кучлари билан бир қаторда ҳарбийлар ҳам жалб этилган.
Зилзила мамлакат тарихида ўтган асрдаги энг йирик зилзила бўлди.
