Шимолий Кореянинг иккита ракетаси қулаб тушди
Пхенян 9 дақиқа фарқ билан кетма-кет баллистик ракеталар учирган.
Шимолий Кореянинг иккита ракетаси Япониянинг эксклюзив иқтисодий зонасидан ташқарига қулаб тушди. Япония денгиз хавфсизлиги хизмати биринчи ракета учирилгандан 6 дақиқа ўтиб, иккинчичиси эса 15 дақиқа ўтгач қулагани ҳақида хабар берди.
Аввалроқ Япония Мудофаа вазирлиги 9 дақиқалик интервал билан Шимолий Кореянинг баллистик ракеталари икки марта учирилгани ҳақида ёзганди. Шундан сўнг Денгиз хавфсизлиги хизмати ракеталар аллақачон қулагани ҳақида хабар берган, бироқ уларнинг айнан қаерга қулагани айтилмаган.
Эслатиб ўтамиз, бу жорий йилда 17 марта баллистик ракета учирилишидир. Шимолий Корея охирги марта 30 август куни иккита баллистик ракетани учирган.
