Хитойда фермадан 75 та тимсоҳ қочиб кетди
Давлат матбуотига кўра, расмийлар қурган тузоққа атиги 8 та тимсоҳ тушган.
Жанубий Хитойда «Хайкуй» тўфони сабаб бўлган сув тошқинлари чоғида ўнлаб тимсоҳлар чорвачилик фермасидан қочиб кетди, деб хабар берди ВВC агентлиги.
Маомин шаҳрида (Гуандун провинцияси) кўл каналидан 75 та қирғоқ тимсоҳлари қочиб кетган.
Улардан баъзилари тириклайин қўлга олинган бўлса, бошқалари «хавфсизлик учун» маҳаллий ҳокимият томонидан электр токи билан ёки отиб ўлдирилган.
«Қочқинларни» ушлашда иштирок этган ўт ўчирувчилардан бирининг сўзларига кўра, қўлга олинган катта ёшли тимсоҳнинг ўртача вазни тахминан 75 кг, узунлиги эса 2 метрдан ошади.
Маомин шаҳри (Гуандун провинцияси) бир нечта тимсоҳ фермаларига эга. Улар тери учун ҳам, гўшт учун ҳам етиштирилади.
Ҳукумат ферма яқинидаги қишлоқлар аҳолисидан хавфсизлик учун уйларини тарк этмасликни сўраган.
Эслатиб ўтамиз, Гонконг, Тайван, Япония ва Хитойнинг бир қисмини аллақачон босиб ўтган «Хайкуй» тўфони Жанубий Осиёда бир ҳафтадан кўпроқ вақт давомида ваҳима уйғотмоқда. Табиий офат етти кишининг ҳаётига зомин бўлиб, яна уч киши бедарак йўқолган. Тўфон Хитой жанубида тошқинларга сабаб бўлган.
