“Барби” йилнинг энг яхши фильми бўлиши мумкин
Фильм бир нечта йўналишда Оскар мукофотига даъвогарлик қилиши айтилмоқда.
“Warner Bros” Америка кино академиясига режиссёр Грета Гервиг томонидан суратга олинган Барби фильмини Оскар номинациялари рўйхатига киритишни таклиф қилди.
Фильм “Энг яхши оригинал сценарий” номинациясида мукофот олиш ҳуқуқига эга бўлади, Кен ролини ижро этган актёр Раян Гослинг эса “Энг яхши иккинчи даражали актёр” номинациясига номзод бўлади.
Кино экспертларининг фикрича, Барби яна бир нечта номинациялар учун, масалан, “Энг яхши қўшиқ”, “Энг яхши режиссёр” ва “Йилнинг энг яхши фильми” номинацияларида рақобатлаша олади.
Оскар номзодларининг якуний рўйхати 11 январь куни бўлиб ўтадиган академия аъзолари овоз беришдан сўнг маълум бўлади.
