Малика Диананинг уст кийими 1,1 миллион долларга сотилди
У шу вақтгача йўқолган деб ҳисобланар эди.
Нью-Йоркдаги Sotheby's аукционида малика Диананинг йиллар давомида йўқолган деб ҳисобланган кийими сотилди. Харидор бу “матоҳ” учун 1,1 миллион доллар тўлаган.
Гап маликанинг қизил, юнгли свитери ҳақида кетмоқда. Малика Диана бу либосда илк бор 1981-йилги поло мусобақасида жамоатчиликка кўриниш берган. Унга оқ ва қора қўйлар тасвири туширилган.
Свитер ишлаб чиқарган компания кийим йўқолганидан кейин Букингем саройидан етказилган зарарнинг бир қисмини қоплаш ёки худди шу турдаги янгисини юбориш мазмунидаги расмий хат олди. Компания ўша кийимнинг “эгизаги”ни қайтадан тикиб, тақдим этди. Аммо 2023-йилнинг баҳорида асл нусхаси компания болохонасидан топилди, деб хабар беради The Daily Mail.
Бир неча кун олдин Лондонда инглиз рок-гуруҳи “қироли” Фредди Меркьюрининг ипак жилети кимошди савдосида сотилган эди. Харидор у учун 139,7 минг фунт стерлинг (қарийб 174 минг доллар) тўлаган.
