Японияда шовқинни токка айлантирувчи модул яратилди
Унга ҳеч қандай розетка ёки батарея керакмас.
Sony электромагнит шовқинни энергияга айлантириб берувчи компакт модулни тақдим қилди, дея ёзмоқда “Xabar.uz” нашри.
Электромагнит шовқин — турли электрон қурилмалардан тараладиган электромагнит тўлқинлар. Одатда бу шовқин фойдасиз ҳисобланади. Бироқ японлар уни фойдали қилишни уддалашган кўринади.
Модул нарсалар интернетида ишлатиладиган қурилмаларнинг металл қисмларидан антенна сифатида фойдаланади, антенна бир неча герцдан 100 МГц.гача диапазондаги электромагнит тўлқинларини тутади. Сўнгра модул бу тўлқинларни кейинчалик IoT-қурилмаларни қувватлантиришда ишлатиш мумкин бўлган доимий токка айлантириб беради. Ҳеч қандай розетка ёки батарея керакмас.
Технология ҳозирча ишланиш босқичида, Sony унинг асосида маҳсулотлар ишлаб чиқариш учун турли соҳалардаги компаниялар билан ҳамкорлик қилишни режалаштирган.
