Америкалик аёл ютиб юборган қулоқчин унинг ошқозонидан топилди
Аёл ухлаб ётганида симсиз қулоқчинини ютиб юборган. Шунга қарамай қулоқчин унинг ошқозонида ишлашда давом этган.
Машҳур компаниянинг симсиз қулоқчинлари меъда ширасига чидамли бўлиб чиқди.
Мавжуд маълумотларга кўра, аёл симсиз қулоқчин билан ухлаб қолган. У кечаси ошқозонидаги кучли оғриқ сабаб уйғониб кетган. Битта қулоқчинининг йўқлигини билиб, шифокорга мурожаат қилган.
Текширувлар натижасида шифокорлар қулоқчинни қидириш функциясини ишга тушириб, товуш унинг ошқозонидан келаётганини аниқлаган.
Салкам 9 соатдан сўнг қулоқчин аёлнинг ошқозонидан операция йўли билан олиб ташланган.
