Евроиттифоқ Тунисга биринчи нақд траншни беришни бошлайди
Бунинг эвазига Европага муҳожирлар оқими чекланиши керак.
Томонлар июль ойида бу борада келишув имзолаган эди. Умумий ҳисобда Тунис Брюсселдан 127 миллион евро олади.
Ушбу маблағларнинг бир қисми мамлакат қирғоқ қўриқлаш хизмати учун кемаларни таъмирлаш ва қайта жиҳозлашга йўналтирилади. Халқаро миграция ташкилоти билан биргаликда маблағнинг яна бир қисми қочқинларни ҳимоя қилишга сарфланади.
Биринчи траншларни чиқариш яқинда Италиянинг Лампедуза оролига мигрантларнинг оммавий келиши ортидан тезлашди. Еврокомиссия Тунисдаги муҳожирларни ҳибсга олиш ҳеч қандай қонунбузарликларсиз амалга оширилишига ишонтирмоқда. Ўзаро имзоланган меморандумга кўра, Европа Иттифоқи ва Тунис халқаро ҳуқуқни тўлиқ ҳурмат қилиш ва мигрантлар қадр-қимматини ҳурмат қилиш асосида ҳамкорлик қилишга келишиб олган.
