Ҳангжоу-2022: Ўзбекистон делегацияси дастлабки олтин медални қўлга киритди
Дзюдочи Диёра Келдиёрова ўз рақибини мағлубиятга учратиб, Осиё ўйинлари чемпионига айланди.
Ўзбекистон делегацияси ХИХ Осиё ўйинларидаги илк олтин медалини қўлга киритди. Бу ҳақда Ўзбекистон дзюдо федерацияси матбуот хизмати хабар бермоқда.
Дзюдочи Диёра Келдиёрова -52 кг вазн тоифасида БАА вакили Биршелт Хорлодои билан баҳс олиб бориб, уни мағлубиятга учратди. Шундай қилиб, спортчи ўз ғалабалари орасига Осиё ўйинлари чемпионлигини ҳам қўшиб қўймоқда.
Бундан ташқари, шпагачи Дилназ Муртазаева чорак финал беллашувида япониялик Сато Нозомини 15:14 ҳисобида мағлубиятга учратиб, ярим финал йўлланмасини қўлга киритди. Регламентга кўра, қиличбозликда ярим финалда имкониятни бой берган атлетлар бронза медалига эга бўлишади.
