Ҳиндистон “Pragyan” билан алоқани йўқотди
Мамлакат августда Ойга космик кема учирганди.
Ҳиндистон космик тадқиқотлар ташкилоти “Pragyan” ой ровери билан ҳозирча боғлана олмаётганини маълум қилди.
“Pragyan” ровери августда Ойга қўнганидан сўнг икки ҳафта давомида маълумотлар ва тасвирларни йиғди. Шундан сўнг у 15 кунга мўлжалланган “уйқу режими”га ўтказилган.
22 сентябрь куни ровернинг аккумуляторлари қайта зарядлангандан сўнг фаол режимга қайтарилиши кутилган эди. Аммо қаттиқ совуқлик батареяларга зарар етказган бўлиши мумкин. Шу сабабли “Pragyan” билан алоқа узилиб қолди.
Ҳозирда ISPRO алоқани тиклаш бўйича саъй-ҳаракатларни давом эттиришни режалаштирмоқда.
Эслатиб ўтамиз, Россиянинг худди шу ҳудудга ўзининг Луна–25 ракетасини қўндиришга уриниши муваффақиятсизликка учраган. Ҳиндистон Ойнинг жанубий қутби яқинига космик кемани қўндирган биринчи давлат бўлди.
