Александр Вучич: «Сербия ҳеч қачон Косово мустақиллигини тан олмайди»
Сербия президентининг маълум қилишича, Косово полицияси билан тўқнашувлар чоғида уч серб ҳалок бўлган, яна икки нафари оғир яраланган.
Сербия Косово мустақиллигини тан олиш қабул қилиниши мумкин эмаслигига ишончини мустаҳкамлади. Бу ҳақда Сербия президенти Александр Вучич матбуот анжуманида маълум қилди.
"Барча содир бўлаётган воқеалар биз Косово мустақиллигини ҳеч қачон тан олмаслигимиз борасида ишончимни мустаҳкамлади. Хоҳлаган ишингизни қилишингиз мумкин, лекин биз ҳеч қачон Косово мустақиллигини тан олмаймиз. Сербия ҳеч қачон Косово мустақиллигини тан олмайди", — деб таъкидлади Вучич.
Сербия президентининг қўшича қилишича, Косово полицияси билан тўқнашувлар чоғида уч серб ҳалок бўлган, яна икки нафари оғир яраланган.
Сербиянинг Косово ва Метохия автоном вилояти 2008 йил февраль ойида бир томонлама мустақилликни эълон қилган. Сўнгги йилларда халқаро ташкилотлар, жумладан ЮНЕСКО ва Интерполга аъзо бўлишга фаол ҳаракат қилмоқда. 60 дан ортиқ давлат, жумладан Россия, Ҳиндистон ва Хитой, шунингдек, Европа Иттифоқига аъзо беш давлат Косово мустақиллигини тан олишга қарши.
