Россия ва КХДР ҳамкорлиги бутун дунё учун таҳдид—Блинкен
АҚШ давлат котиби Ким Чен Иннинг Москвага ташрифи ҳақида гапирди.
АҚШ Давлат котиби Энтони Блинкен Россия ва КХДР ўртасидаги ҳарбий ҳамкорлик бутун дунё учун хавф туғдираётганини айтди.
“Биз Россия–Шимолий Корея ҳарбий ҳамкорлиги глобал тинчлик ва хавфсизликка таҳдид солаётганини кўряпмиз”, — деди у.
Блинкен Шимолий Корея етакчиси Ким Чен Иннинг Россияга сўнгги ташрифига ҳам тўхталиб ўтди.
“Яқинда учирилган ракеталардан ташқари КХДР томонидан кенгроқ хавфсизлик таҳдидлари Ким Чен Иннинг шу ой Москвага ташрифи билан яққол намоён бўлди”, — дейди давлат котиби.
Унинг сўзларига кўра, Россия Украинадаги махсус ҳарбий операция билан боғлиқ ҳолда ускуналар, таъминот, технологияни астойдил қидирмоқда. КХДР эса ракета дастурларини кучайтириш ва ривожлантириш учун ёрдам изламоқда.
