Грецияни яна сув босди
Кучли ёмғир вақтида Волос ҳудудининг катта қисми электр таъминотисиз қолган, маҳаллий шифохона ҳам сув остида қолган.
Грециянинг Тесалья (Фессалия) ҳудудида тўхтовсиз ёмғир туфайли яна сув тошқини содир бўлди.
Хусусан, мамлакатнинг Волос, Пелион, Лариса ва Фарсала каби ҳудудларида кучли сув тошқинлари кузатилди.
Турар-жой бинолари, идоралар, қишлоқ хўжалиги ерлари ва йўллар сув остида қолган. Кўчки туфайли кўплаб йўллар ёпилган.
Кучли ёмғир вақтида Волос ҳудудининг катта қисми электр таъминотисиз қолган, маҳаллий шифохона ҳам сув остида қолган.
Фуқаролик мудофааси департаменти Волос аҳолисига мобиль телефон орқали шошилинч хабар юборган ва фуқаролардан кўчага чиқмаслик сўралган.
