Амазон шошилинч ёрдамга муҳтож
Қурғоқчилик сўнгги 20 йилдаги энг ёмон даражага етди.
Қаттиқ қурғоқчиликдан азият чекаётган Бразилиянинг Амазонас штати шошилинч ёрдамга муҳтож.
Бразилия ҳукумати Амазонас штатига фавқулодда гуманитар ёрдам жўнатаётганини эълон қилди. Экваториал Амазон тропик ўрмонининг ушбу минтақасидаги қурғоқчилик сўнгги 20 йилдаги энг ёмон кўрсаткичга етди.
Атроф-муҳит вазирлиги маълумотларига кўра, штатдаги 62 муниципалитетдан 56 таси хавф остида. Амазонка ирмоқларида сув сатҳи ҳар куни 20 сантиметрга пасайиб бормоқда.
Сувнинг етишмаслиги минглаб балиқлар ҳалокатига сабаб бўлади.
Мутахассисларнинг огоҳлантиришича, бу йил қурғоқчилик узоқроқ ва кучлироқ бўлиши тахмин қилинмоқда.
