АҚШ Украинага ёрдамни тўхтатадими?
Бу борада Байден ўз фикрини билдирди.
АҚШ президенти Жо Байден Конгресснинг ҳар икки палатаси томонидан маъқулланган муваққат бюджет лойиҳасини имзолади, бироқ Украина ёрдамсиз қолмаслиги кераклигини таъкидлади. Оқ уй веб-сайтида эълон қилинган баёнотда Байден бундай вазиятнинг қабул қилиниши мумкин эмаслигини айтган.
"Спикер ва Конгресснинг мутлақ кўпчилиги Украинани қўллаб-қувватлашда қатъий бўлсада, буни давом эттириш учун янги маблағ йўқ. Биз ҳар қандай шароитда Американинг Украинани қўллаб-қувватлаши бузилишига йўл қўя олмаймиз”, - деди Байден.
Шунингдек, у бу вазият тўғриланишини кутишини қўшимча қилди.
У инқироздан қочиш учун бир неча ой олдин спикер Кевин Маккарти билан бюджет келишувига эришганини эслади.
