Озарбайжон Гаага судида Арманистоннинг даъвосига жавоб берди
Озарбайжон томони Арманистонни ирқий нафрат уйғотганликда айблади.
Озарбайжон Арманистонни Гаагадаги БМТ судида очилган даъво туфайли нафрат уйғотганликда айблади. Бу ҳақда Озарбайжон ташқи ишлар вазирлиги спикери Айхан Ҳожизода маълум қилди.
Унинг сўзларига кўра, озарбайжонликларга нисбатан ирқий нафрат уйғотишга қаратилган бу суд жараёнлари мутлақо қабул қилиниши мумкин эмас. Бу, шунингдек, Арманистон Озарбайжоннинг ҳудудий яхлитлиги ва суверенитетига тажовуз қилишга уринишларидан воз кечмаётганини билдиради.
"Бирлашган Миллатлар Ташкилоти Хавфсизлик Кенгаши мисолида бўлгани каби, Арманистон ўзининг маккор сиёсий дастурини амалга ошириш учун Халқаро Судни суиистеъмол қилмоқда. Арманистон жорий йилнинг ўзида учинчи марта судга мурожаат қилмоқда. Биз шуни таъкидлаймизки, Арманистон томонидан январь ва май ойида берилган аризалар судьялар томонидан бир овоздан рад этилган. Озарбайжон томони Арманистоннинг асоссиз даъволарига изчил жавобларни акс эттирувчи позицияни тақдим этади", - дейилади ТИВ баёнотида.
Шанба куни Арманистон Озарбайжонга қарши ирқий камситишнинг барча шаклларига барҳам бериш тўғрисидаги конвенцияни бузганликда ҳамда Тоғли Қорабоғдаги арманларнинг ҳуқуқларини поймол қилишда айблаб, Халқаро судга даъво қилгани маълум бўлган эди.
