Словакияда ит машина ҳайдаб, полицияни ҳайратга солди
У тезликни ошириб, қонунни ҳам бузган.
Словакияда қоидабузарликларни ёзиб оладиган камера объективи ноодатий кадрни қайд этди. Ит машинани бошқараётган эди. Бундан ташқари, жонивор шунчаки ҳайдабгина қолмай, балки тезликни белгиланган меъёрдан жиддий оширган-машина соатига 135 километр тезликда кўчалар бўйлаб юрди.
Пойтахт Братислава шимоли-шарқидаги Стерусй қишлоғида итнинг машина ҳайдаб кетаётганидан полиция ҳайрон бўлди ва ижтимоий тармоқларда ҳуқуқбузарнинг суратини “Жаноб Ит, сиз қишлоқда тезликни оширдингиз" ёзуви билан тарқатди.
Полициянинг ҳазилига қарамай, ит ва машинанинг эгаси аниқланиб, жаримага тортилди. Машина эгасининг айтишича, унинг ити машинани бошқармаган, у камерага тушишидан бир сония олдин унинг тиззасига сакраб тушган.
