Путинни бошқаларнинг ҳаёти қизиқтирмайди — Шольц

 

Германия канцлери Олаф Шольц Украинадаги урушни тугатиш ва тинчликка тезроқ эришиш учун Путинга босим ўтказишга чақирди.

 

У, шунингдек, Украина учун Тинчлик режасини қабул қилиш зарурати ҳақида гапирди.

 

“Мен босимни сезиларли даражада оширишимиз учун ҳамма нарсани қиламан ва Россия президенти охир-оқибат бундай қилиш мумкин эмаслигини тушунади”, — деди канцлер.

 

Шольц Украина уруш тугаганидан кейин ўз яхлитлиги ва мустақиллигини сақлаб қолиши кераклигини таъкидлади. Унинг қўшимча қилишича, ҳамкорлар бунинг учун кўплаб жараёнларни бошлаб юборган.

 

Шольц Путинни бошқаларнинг ўлими ва қурбонлиги қизиқтирмаслигини ҳам қўшимча қилди.

 

“Путинни буларнинг ҳеч бири қизиқтирмайди, унга келажакда тарих китобларининг бирон бир жойида у ўз давлатини буюк қилди, деб ёзилиши керак”, — дея қўшимча қилди канцлер.