Путин: Пригожиннинг ишхонасида тинтув ўтказилганда 5 кг кокаин топилган
Шунингдек, Путин, авиаҳалокатда ҳалок бўлган Пригожин ва унинг ҳамроҳлари жасадларида граната бўлаклари топилганини қўшимча қилган.
Путин Пригожиннинг самолёт ҳалокатининг расмий сабабини айтди.
"Россия Тергов қўмитаси раҳбари Александр Бастрикин кеча менга авиаҳалокатда ҳалок бўлганларнинг жасадларидан қўл гранаталари бўлаклари топилгани ҳақида хабар берди. Самолётга ҳеч қандай ташқи таъсир кўрсатилмаган. Бу аллақачон аниқланган — тергов қўмитаси томонидан ўтказилган экспертиза натижаси”, — деди Путин.
Унинг қўшимча қилишича, қурбонлар танасида алкоголь ва гиёҳванд моддалар борлиги бўйича экспертиза ўтказилмаган, бироқ Пригожиннинг ишхонасида тинтув ўтказилганда 5 кг кокаин топилган.
