АҚШ томон янги миграция карвони йўлга чиқди
Минглаб венесуэлаликлар АҚШ чегарасига яқинлашиб қолди.
Венесуэладан келган муҳожирлар ўтиб бўлмайдиган ўрмон орқали АҚШ чегараси томон юришмоқда. 3000 киши кундузи ва кечаси тўхтовсиз ҳаракатланмоқда.
"На очлик, на касаллик, на илонлар бизни тўхтата олмайди. Одамлар чарчаган. Биз тропик ўрмон бўйлаб 120 километрдан кўпроқ масофани босиб ўтдик", дейди улардан бири.
Ноқонуний муҳожирлар дарёларни кесиб ўтишади, фақат узун навбат ҳосил бўлган назорат пунктларида тўхташади. Иммиграция хизмати ҳаммани ҳисоблайди ва рўйхатга олади.
Лотин Америкаси давлатларидан келган муҳожирлар доимий равишда штатларга боришга интилишади. АҚШ Ички хавфсизлик департаменти маълумотларига кўра, сўнгги олти ой ичида 400 мингдан ортиқ муҳожир мамлакатга ноқонуний кириб келган.
