Покистон афғонларни оммавий депортация қилишга тайёрланмоқда
Бошқа ноқонуний муҳожирлар ҳам мамлакатдан чиқазиб юборилади.
Покистон ҳукумати барча ноқонуний муҳожирларни, жумладан, қўшни Афғонистоннинг 1,7 миллион фуқаросини депортация қилиш режасини эълон қилди.
Шундай қилиб, ҳақиқий ҳужжати бўлмаган фуқаролар 31 октябргача мамлакатни тарк этишлари керак, акс ҳолда улар ҳибсга олинади ва мажбуран депортация қилинади.
Покистон Ташқи ишлар вазирлиги вакили Мумтоз Заҳра Балоч бу сиёсат фақат СССР қўшинларининг бостириб кириши ва ҳокимият тепасига келиши чоғида мамлакатга оммавий равишда кириб келган афғонларга қарши эмас, балки барча қочқинларга қарши қаратилганини таъкидлади.
Халқаро Амнистия ташкилоти Покистондан афғонларга мамлакатда яшашни давом эттиришга рухсат беришни сўради ва БМТ Бош котиби Антониу Гутерришнинг вакили бу сиёсатдан хавотир билдирди.
