Франция собиқ президентига янги айбловлар қўйилди
Николя Саркози Париж судида сўроқ қилинмоқда.
Франциянинг собиқ президенти Николя Саркозига Ливия томонидан сайловолди ташвиқотини молиялаштиргани бўйича янги айбловлар қўйилди.
Манбага кўра, бу гал собиқ давлат раҳбарига икки хил айбловлар қўйилмоқда: унга қарши тергов жараёнида гувоҳга пора берганлик ва уюшган гуруҳ томонидан фирибгарлик учун жиноий тил бириктирганлик.
Сешанбадан бери Париж судида Саркозининг сўроқ қилиниши давом этмоқда ва унга айблов қўйилгани янги суд мажлиси бўлишини англатади.
Гап шундаки, Саркози Ливия президентлик кампаниясини молиялаштирганликда айбланганда унинг воситачиси Зиёд Такиддин ўз кўрсатмаларидан қайтган. Энди у гувоҳга босим ўтказганликда гумон қилинмоқда.
Сайлов кампаниясини молиялаштириш бўйича суд 2025 йилда бўлиб ўтиши режалаштирилган бўлиб, унда сиёсатчи “пассив коррупция, жиноий тил бириктириш, сайлов кампаниясини ноқонуний молиялаштириш ва давлат маблағларини ўзлаштириш” айби билан судга тортилиши режалаштирилган.
