БМТнинг янги миссияси Қорабоғга етиб келди
Гуруҳ аксилтеррор тадбирларидан кейинги вазиятни ўрганади.
БМТнинг гуманитар вазият ва аҳоли эҳтиёжларини ўрганувчи миссияси Қорабоғга етиб келди.
Бу БМТ миссиясининг Қорабоғга маҳаллий аксилтеррор тадбирлари олиб борилгандан кейинги иккинчи сафари.
Биринчи гуруҳ миссия 1 октябрь куни мазкур ҳудудга ташриф буюрганди. Ушбу ташрифдан сўнг БМТ матбуот котиби Стефан Дюжаррик Нью-Йоркдаги брифингда миссия минтақага бир кунлик ташрифи давомида барча дўконлар ёпилган бўлса-да, фуқаролик инфратузилмаси, жумладан, мактаб ва шифохоналарнинг вайрон бўлиш белгиларини топмаганини айтганди. Шунингдек, у миссия сўнгги сулҳдан кейин тинч аҳолига нисбатан зўравонлик ҳолатлари ҳақида ҳеч қандай хабар эшитмаганини таъкидлаган.
