Чикагода бир кунда юзлаб қушлар ҳалок бўлди
Улар шиша бинога бориб урилган.
Чикагода мингга яқин кўчманчи қушлар конференция маркази биносига бориб урилиши оқибатида нобуд бўлди.
Қайд этилишича, қушларнинг оммавий нобуд бўлишига бир қанча ҳолатлар сабаб бўлган: миграция даври, ёмон об-ҳаво ва кўп қаватли бинонинг ёритилиши.
Одатда кунига 15 тагача қушлар бино билан тўқнашувда нобуд бўлишади, бу сафар қурбонлар 33 турнинг вакиллари бўлган.
Биргина АҚШда ҳар йили бир неча юз миллион қушлар шиша осмонўпар биноларга урилиш оқибатида ҳалок бўлади. Бунинг асосий сабаби шундаки, улар шишани етарлича яхши кўрмайдилар ва уларнинг олдида ҳалокатли тўсиқ борлигини тушунмайдилар.
Кечаси кўчиб юрадиган қушлар, айниқса майда чироқларни юлдузлар деб ўйлаши мумкин. Осмонўпар биноларнинг ёрқин чироқлари уларни ҳам ўзига тортади, ҳам чалғитади. Улар ё деразаларга урилади ёки чарчоқдан ўлгунча бинолар атрофида айланишади.
Экологларнинг таъкидлашича, биноларни ёритишни камайтириш орқали қушлар ўлимининг олдини олиш мумкин. Шунингдек, қушларга кўринадиган шишадан осмонўпар бинолар қуриш керак.
АҚШнинг бир қатор шаҳарлари қушлар миграцияси даврида биноларни ёритишни камайтирмоқда ёки бутунлай йўқ қилмоқда.
