Исроилда вазият ёмонлашган бир пайтда Байден зиёфат уюштирди
АҚШ президентининг бу иши республикачилар томонидан танқидга учради.
АҚШ президенти Жо Байден Исроилда авж олган можаро вақтида Оқ уйда базм ташкил қилгани учун республикачилар томонидан танқидга учраган.
Зиёфат Оқ уй ходимлари ва уларнинг оила аъзолари учун ташкил этилган. Ҳудудда барбекю ва жонли концерт уюштирилган.
«Ҳамас америкаликларни гаровда ушлаб турганда, Жо Байден жонли мусиқа билан базм қилишни ёқтиради», — дейди Миссури штатидан республикачи сенатор Жош Холи.
«Исроил ҳужумга учраган пайтда Оқ уйда барбекю?» — дейди республикачи сенатор Ренд Полнинг ташқи алоқалар бўйича директори Жимена Баррето.
Эслатиб ўтамиз, 7 октябрь куни эрталаб Ҳамас кучлари Исроил томон ракета отгани маълум қилинди. Ракета ҳужумларига жавобан Исроил мудофаа кучлари Ғазода ҳарбий операция бошланганини эълон қилди.
