АҚШ Украинага янги ёрдам ажратди
Ҳарбий пакетнинг қиймати 200 млн доллар.
Вашингтон Киевга 200 млн долларлик янги ҳарбий ёрдам пакетини юборади. Бу ҳақда АҚШ мудофаа вазири маълум қилди.
"Қўшма Штатлар Украинага 200 миллион долларлик янги ёрдам пакетини эълон қилмоқда", - деди Остин.
Пентагон раҳбари янги ёрдам пакетига ҳаво ҳужумига қарши мудофаа ракеталари, артиллерия ўқ-дорилари, дронларга ва танкка қарши қуроллар киритилишини таъкидлади.
Унинг қўшимча қилишича, АҚШдан Украинага жами ҳарбий ёрдам шу тариқа қарийб 44 миллиард долларни ташкил қилади.
