Шимолий Корея Россия қурол етказиб беряпти — АҚШ расмийси

 

АҚШ расмийлари Шимолий Кореяни Украинада фойдаланиш учун Россияга катта миқдорда ҳарбий техника етказиб беришда айблади.

 

Пхенян сўнгги ҳафталарда 1000 тагача контейнерда ускуналар ва ўқ-дорилар етказиб берди, деди Миллий хавфсизлик кенгаши матбуот котиби Жон Кирби.

 

Ўтган ой Шимолий Корея етакчиси Ким Чен Ин Россияга ташриф буюриб, ҳарбий ҳамкорликни муҳокама қилганди.

 

Москва армияси Украинага давом этаётган ҳарбий можарода катта миқдордаги артиллерия снарядлари ва ракеталарини ишлатиб бўлган ва ўз таъминотини айрим изоляция қилинган иттифоқчиларидан тўлдиришга ҳаракат қилмоқда, деган тахминлар бор.

 

Баъзи таҳлилчиларнинг фикрича, жаноб Ким режими улкан қурол-яроғ захирасига эга бўлиши мумкин, аммо ресурсларнинг нисбий етишмаслиги туфайли ҳаддан ташқари кўп нарсаларни топширишни истамаслиги мумкин.

 

АҚШ разведка идоралари маълумотларга кўра, 7 сентябрдан 1 октябргача бўлган даврда етказиб беришлар кузатилган.

 

Бўлиб ўтган матбуот анжуманида жаноб Кирби жиҳозлар денгиз ва темир йўл орқали Россия жануби-ғарбидаги, Тихоретск яқинидаги Украина чегарасидан 290 км узоқликдаги таъминот омборига экспорт қилинганини айтди.

 

Жаноб Кирби жаноб Ким режими томонидан етказиб берилган ўқ-дорилар хусусиятига аниқлик киритмади, бироқ АҚШ аввалроқ Москвани Пхеняндан ракета ва артиллерия снарядларини харид қилганликда айблаган эди.

 

Россия 2022йилнинг февраль ойида Украинада ҳарбий ҳаракатлар бошлаганидан бери АҚШ расмийлари Шимолий Корея Россияга ўқ-дорилар етказиб берганидан хавотир билдиришмоқда.

 

“Биз Шимолий Кореяни Россияга Украина шаҳарларига ҳужум қилиш, украиналик тинч аҳолини ўлдириш ва Россиянинг ноқонуний урушини давом эттириш учун фойдаланиладиган ушбу ҳарбий техника билан таъминлаганини қоралаймиз. Шимолий Корея томонидан етказиб берилган маҳсулотлар БМТ Хавфсизлик Кенгаши резолюцияларини бузади, шунинг учун биз иттифоқчиларимиз ва ҳамкорларимиз билан биргаликда БМТда бу қурол битимларини агрессив равишда кўтаришда давом этамиз”, деди жаноб Кирби журналистларга.

 

Июль ойида Россия Мудофаа вазири Сергей Шойгу ҳарбий делегация билан мамлакатга ташриф буюрди ва жаноб Ким билан учрашди, у бир қатор қурол тизимларини, жумладан, XVason қитъалараро баллистик ракетасини (ISBM) намойиш этди.

 

Сентябрь ойида эса жаноб Ким Россиянинг узоқ шарқидаги «Восточний» космик марказида Россия президенти Владимир Путин билан учрашди.

 

Кузатувчиларнинг айтишича, Шимолий Корея қуроллари Россиянинг уруш ҳаракатларига фақат қисқа муддатли ёрдам беради.

 

Мутахассислар бундай етказиб бериш можарода ҳал қилувчи роль ўйнаши шубҳали эканини айтди.

 

Аммо бу АҚШ Вакиллар палатасида давом этаётган бюджет масаласида Киевга қўшимча 6 миллиард долларлик ҳарбий ёрдам юбориш режаларини тўхтатиб қўйишга мажбур бўлган пайтга тўғри келди.

 

Президент Байден шу ҳафта бошида Вакиллар палатасида демократлар ва республикачилар ўртасидаги вақтинчалик келишув уни Украинадаги уруш ҳаракатларини молиялаштиришнинг муқобил йўлларини топишга мажбур қилиши мумкинлигини айтган.