Франция ядро каллагини олиб юришга қодир ракетани синовдан ўтказди
Бу ҳақда мамлакат мудофаа вазири маълум қилди.
ASMPA-R ракетаси жанговар каллаксиз Rafale қирувчи самолётидан "ядровий ҳаво ҳужумини тақлид қилиш машқларида миллий ҳудуд устида" учирилди.
Франция мудофаа вазири Себастьян Лекорню Х ижтимойи тармоғида ёзишича, машғулотлар анчадан бери режалаштирилган. Франция ҳавода ҳам, сув ости кемаларида ҳам ядровий кучларга эга. Лекорнюнинг таъкидлашича, машғулот ядровий тўхтатувчининг авиация компоненти имкониятларини намойиш этишдан иборат.
Келгуси йилларда Франция ҳарбий бюджетининг 13 фоизини ядровий кучларига, жумладан, ҳавода учириладиган ташувчиларни модернизация қилишга сарфлашни режалаштирмоқда.
