Исроил Рафаҳдаги қочқинлар лагерига зарба берди — видео
Ёнғир оқибатида 40 га яқин одам ҳалок бўлди.
Исроил кучлари Рафаҳдаги қочқинлар яшайдиган Тал-ас-Султон лагерини бомбардимон қилди.
Таъкидланишича, қурбонларнинг аксарияти аёллар ва болалар бўлган. Фаластин Қизил ярим ой жамияти чодирлардаги кўплаб одамлар тириклайин ёниб кетганини таъкидлаган.
“Ҳудуддаги шифохоналар Исроил ишғолининг Ғазо секторидаги соғлиқни сақлаш тизимини атайлаб йўқ қилиши натижасида бундай кўп сонли жароҳатланганлари сиғдира олмаяпти”, — дейилади баёнотда.
Маҳаллий манбалар камида саккизта ракета БМТнинг фаластинлик қочқинларга ёрдам кўрсатувчи агентлиги (UNRWA) омбори ёнида яқинда ўрнатилган чодир лагерига урилганини айтди.
"Потенциал халқаро миқёсда тақиқланган қуролларни қўллаш йирик ёнғин келиб чиқишига сабаб бўлган, оқибатда жабрланганлар оёқ-қўлларини йўқотган ва бошқа жароҳатлар олган. Биз 50 га яқин одамни ва ярадорларни ҳудуддан олиб чиқиб, дала касалхоналарига етказдик”, — дея таъкидлади Ғазо фуқаролик мудофааси гуруҳларини бошқарадиган доктор Муҳаммад ал-Муғаййир.
Исроил армияси ўз баёнотида ҲАМАС лагерига ҳаво ҳужуми уюштирилганини даъво қилди. Ҳарбийлар тинч аҳоли жароҳатланганидан хабардор эканини маълум қилди.
“Зарба халқаро қонунларга мувофиқ, аниқ ўқ-дорилардан фойдаланган ҳолда ва ҲАМАС ҳудуддан фойдаланаётганини кўрсатувчи аниқ разведка маълумотларига асосланиб, қонуний нишонларга қарши амалга оширилди”, — дея қўшимча қилди Исроил армияси.
