Нигерияда жангарилар 160 нафар маҳаллий аҳолини ўғирлаб кетди
Жангариларнинг ҳужуми оқибатида 10 киши ҳалок бўлди.
"Боко Ҳарам" исломий гуруҳидан экани тахмин қилинган қуролли жангарилар жума куни кечқурун Кучи қишлоғига бостириб келган.
Ўғирланганлар орасида асосан аёллар ва болалар, ҳалок бўлганлар орасида ҳудуд хавфсизлигини таъминлаган маҳаллий аҳоли ҳам бор. Маълумотларга кўра, жангарилар қишлоққа мотоциклларда кириб, унда икки соатдан кўпроқ вақт ўтказган. Шундан сўнг улар уйларни талон-тарож қилиб, маҳаллий аҳоли вакилларини ўғирлаб кетган.
Халқаро Амнистия ташкилоти оммавий ўғирлашдан чуқур хавотирда эканини билдирган.
