Туркияда даҳшатли автоҳалокатда 11 киши ҳалок бўлди
40 га яқин одам жароҳатланди.
Туркияда автобус ва бир нечта енгил автомобиль иштирокида йўл-транспорт ҳодисаси содир бўлди.
Halq TV телеканали хабарида айтилишича, еча, 26 май куни TAG автомагистралида автобус, юк машиналари ва енгил автомобиллар иштирокида занжирли ЙТҲ содир бўлган. Телеканал Мерсин губернатори Али Ҳамза Пеҳливанга таяниб, йўл-транспорт ҳодисаси оқибатида 11 киши ҳалок бўлгани, камида 38 киши жароҳатланганини маълум қилди.
Адана шаҳридан ҳаракатланаётган автобус ёмғирли ҳавода сирпаниб кетиб, ағдарилиб, қарама-қарши йўлга чиқиб кетган. Ҳудудга ўт ўчирувчилар ва тиббиёт гуруҳлари жўнатилган. Дастлабки маълумотларга кўра, жабрланганларнинг айримларининг аҳволи оғир.
Туркия Адлия вазири Йилмаз Тунч бахтсиз ҳодисага изоҳ берди ва ҳалок бўлганларнинг оила аъзоларига ҳамдардлик билдирди. Вазир иш ҳар томонлама чуқур ўрганилиши ва терговни 3 нафар прокурор олиб боришини қўшимча қилди.
