Эртадан ерни магнит бўронлари қоплайди
Бу қуёшда кучли чақнаш бўлгани билан боғлиқ.
Яқионда қуёшда кучли чақнаш содир бўлгани ҳақида хабар берилган эди. Шундан сўнг Ерни 31 май ва 1 июнь кунлари кучли магнит бўронлари қоплайди. Бу ҳақда Метеоагент ўз прогнозини эълон қилди.
Мазкур кунларда К-индексида 6 балли магнит бўрони кузатилиши кутилмоқда. К-индекс геомагнит фаолликни ва бўронларни тавсифловчи кўрсаткичдир. У қанчалик баланд бўлса, магнит бўрони шунчалик кучли бўлади.
Таъкидланишича, бундай кунларда ҳатто соғлом одамлар саломатлигида ҳам ўзгаришлар кузатилади. Магнит бўрони салбий таъсирининг энг кенг тарқалган кўринишлари қуйидагилар ҳисобланади:
-
бош айланиши ва бош оғриғи;
-
уйқу бузилиши;
-
диққатни жамлаш билан боғлиқ муаммолар;
-
қон босимнинг бузилиши;
-
сурункали касалликларнинг кучайиши;
-
оғриқлар, шунингдек, бўғимлардаги оғриқ;
-
иштаҳа бузилиши ва кўнгил айниши;
-
ҳолсизлик.
Бундай кунларда организмга ёрдам бўлиши учун кунига камида 7-8 соат ухлаш маслаҳат берилган. Расиондан ёғли ва аччиқ овқатларни олиб ташлаб, қаҳва миқдорини камайтириб, кўпроқ ўсимликлардан тайёрланган чой ва сув истеъмол қилиш керак.
