Илон Маск жинсий зўравонликда айбланмоқда
Маск ҳозирча бунга изоҳ беришдан бош тортган.
SpaceX компаниясининг ишдан бўшатилган саккиз нафар ходима Илон Маскни жинсий зўравонликда айблаб, судга берди.
Даъвогарларнинг айтишича, Маск SpaceX компаниясида фаолият юритган, ўзидан 20 ёш кичик собиқ ходима билан жинсий яқинликда бўлиб келган.
Судга Илон Маск ўз ходимларини жинсий алоқа учун таъқиб қилиши борасидаги бир қанча далиллар топширилган. 2014 йилда Маскнинг заводида ишлаган ходима у билан бир ой муносабатда бўлганини айтган.
Аёл Илон Маск билан муносабатлари бузилгач, ишда муаммоларга дуч келган. Сўнгра у компанияни тарк этган. У вазифасидан кетишдан олдин Илон Маск билан аввалги иш фаолияти давомида рўй берган ҳодисаларни муҳокама қилишни тақиқловчи шартнома имзолаган.
