Қозоғистонлик полициячи 32 тонналик самолётни тортиб, рекорд ўрнатди
У ҳарбий тергов бўлими катта терговчиси бўлиб ишлайди.
Қозоғистонлик полициячи янги жаҳон рекордини ўрнатди. Бауйржон Камалиев оғирлиги 32,5 тонна, узунлиги 10 метр бўлган самолётини судраб, жойидан қўзғата олди.
“Ушбу тоифадаги жаҳон рекорди 32 тонна 100 килограммни ташкил этгани ва ушбу самолётнинг оғирлиги 32 тонна 500 килограммдан ортиқ эканлигини инобатга олиб, рекорд 400 килограммдан ортиқроққа янгиланди”, — деди Қозоғистон Рекордлар китоби расмий вакили Куандик Кудайбергенов.
AN-74ТК-200 самолёти юк ва ҳарбий қутқарув ходимларини ташиш учун мўлжалланган. Унинг қуввати 10 тоннагача. Самолётни бошланғич нуқтага олиб бориш учун ўнлаб ҳарбий хизматчиларнинг кучи керак бўларди.
