Андижонда куёвнинг жаримасини қайнота тўлади

 

Андижон вилоятида куёв хотинининг машинасида 68 марта қоидабузарлик қилгани аниқланди. Унга кўра, Андижон шаҳрида яшовчи M.A. турмуш ўртоғининг эгалигида бўлган Ласеттиъни бошқариб, йўлларда ҳаракатланиш тезлигини мунтазам равишда меъёридан ошириб келган. Натижада 68 маротаба маъмурий ҳуқуқбузарлик содир этган.

 

Вилоят ИИБ ЙҲХБ органлари томонидан Мажбурий ижро бюроси Андижон шаҳар бўлимига келиб тушган жарима солиш тўғрисидаги 68 та қарорларга мувофиқ M.У.dan жами 28 миллион сўм ундирилиши белгиланган. Бўлим давлат ижрочиси автомашина эгасини жарима пулларини тўлаши юзасидан огоҳлантирган. Шунингдек, қарздорлик тўланмагани сабабли автомашина жарима майдонига олиб кириб қўйилган.

 

Шу сабабли куёви M.A. бошқарувида содир этилган 68 та жарима учун қайнота 28 миллион сўм миқдоридаги маъмурий жарималарни тўлаб беришини билдирди ва қизининг эгалигидаги автомашинани жарима майдонидан олиб чиқди.